Gurët e çmuar dhe preferencat për to do të jenë tema qëndrore e programit Post Script këtë fundjavë.

Por cilat janë karakteristikat e tyre si zbulohen dhe ku ndodhen ato?

Diamantet 
Diamantet janë formë e atomeve të karbonit. Ato janë materiali më i fortë natyror që njihet dhe fortësia e këtij materiali dhe aftësia për të zbërthyer dritën e bëjnë atë shumë të dobishëm për aplikim në industri dhe bizhuteri. Diamantet janë të shquar sidomos si një material me cilësi fizike të jashtëzakonshme. Ato mund të jenë materiale të përsosur smerilues duke qenë se mund të gërvishten vetëm nga diamante të tjerë. Çdo vit nxirren nga minierat pothuajse 26 mijë kilogramë diamante ose 130 milionë karat, me një vlerë rreth 9 miliardë dollarë.

Ku ndodhen: 
Banka De Beers
Headquqarters
Vendi:
Londër, Angli
Banka “De Beers” ka 40 përqind të aksioneve të tregut të diamanteve në botë. Por diamantet nuk qëndrojnë gjithë kohës aty. Sipas zyrtarëve të kësaj banke, furnizimi i diamanteve me vlerë rreth 5 miliardë dollarë qëndron aty vetëm për disa javë. Në mars të këtij viti Bostuana do të bëhet vendi kryesor për tregun e diamanteve.

Smeraldet
Smeraldet mund të jenë në shumë nuanca të ngjyrës së gjelbër. Ky lloj kristali ka një spektrum të gjerë qartësie që varet nga thyerjet. Gurët e qartë me ngjyrë vibrante kanë cimet më të larta. Pothuajse të gjithë smeraldet përmbajnë shumë plasaritje dhe krisje, të cilat mund të dëmtojnë qartësinë. Vlera e smeraldeve varet nga prerja, ngjyra, qartësia dhe karati. Aktualisht, smeraldet më të mira nxirren në minierën e Muzos në Kolumbi. Një lloj i rrallë smeraldi në formë ylli gjendet ndonjëherë në të rrallë në minierat e Kolumbisë.

Vendi: 
Muzo, Kolumbi
Kolumbia dominon tregun e smeraldeve dhe Victor Carrnza dominon biznesin e smeraldeve në Kolumbi. Territori i tij përfshin rajonin Muzo, pranë Bogatës. Atij i atribuohet fakti se ka ndaluar bandat e drogës të marrin minierat e smeraldeve gjatë viteve ’80, por më pas ai u përball me drejtësinë pasi u arrestua në vitin ’98 me akuzën se kishte organizuar skuadra ekzekutimi.

Rubinët 
Rubini është një gur i çmuar me ngjyrë nga roza tek e kuqja e thellë. Ngjyra e kuqe shkaktohet më së shumti nga elementi i kromit. Emri i rubinit rrjedh nga fjala “ruber” që në latinisht do të thotë e kuqe. Rubini konsiderohet një nga katër gurët e çmuar së bashku me safirin, diamantin dhe smeraldin. Përmirësimet që i bëhen këtyre gurëve të çmuar përfshijnë modifikimin, përmirësimin e transparencës, rregullimin e frakturave apo dhe mbushjen e plotë të tyre. Çmimi dhe vlera e rubinëve varet fillimisht nga ngjyra e tyre. Ngjyra më e mirë që ato mund të kenë është e kuqja e gjakut.

Vendi: 
Majnamar, Tajlandë
Rreth 90 përqind e rubinëve të botës vjen nga Majnamari, vend ky që ka qenë subjekt trazirash kohët e fundit. Vitin e kaluar, në vend kishte thirrje të shumta për bojkotin e ankandeve të gurëve të rrallë nga qeveria. Kur nxirren nga toka, rubinët dërgohen drejt Katubirt, në Tajlandë për t’u prerë në mënyrë që t’u jepet forma e duhur.

Safirët 
Safirët janë një variacion i rubinëve dhe marrin këtë emër kur ngjyra e tyre nuk është e kuqe. Ato mund të gjenden në mënyrë natyrore ose të prodhohen. Për shkak të fortësisë që kanë këta gurë, ato përdoren për aplikim të gjerë duke përfshirë këtu përbërësit infra të kuq optikë, kristalet e orëve etj. Edhe pse bluja konsiderohet si ngjyra normale për safirët ato mund të përmbajnë një spektër ngjyrash si kafe, gri dhe të zezë. Disa safirë natyrorë mund të jenë edhe transparentë.

Vendi: 
Sri Lanka dhe Madagaskar.
Safirët nxirren në miniera në Sri Lanka dhe Madagaskar. Ashtu si rubinët ato dërgohen në Tajlandë për t’u prerë. Kohët e fundit sidoqoftë, ato po dërgohen më shumë në Hong Kong për prerje. Safirët gjenden dhe në Australi, por ato që gjenden në Sri Lanka kanë cilësinë më të mirë. Në Ilakaka, Madagaskar safirët mund të gjenden kudo, në tokë, në lumë dhe në llumin e lumit.