Jeta e përjetshme

A mund ta imagjinoni sa e trishtuar dhe bosh do të ishte jeta jonë nëse do të mendonim se këto 70 deri në 90 vjet të jetës sonë janë gjithçka që ekziston? Mendimi i vdekjes do të ishte i tmerrshëm! Nuk është çudi që njerëzit me para bëjnë gjithçka që munden për të zgjatur jetën e tyre, nëse kjo jetë është gjithçka që kanë!

Falë Zotit kjo jetë nuk është gjithçka! Ka jetë të përjetshme – për të planifikuar dhe përgatitur – dhe ju keni vetëm pak vite për të bërë këtë zgjedhje. Jeta e përjetshme nuk i jepet automatikisht askujt, dhe kjo e bën vdekjen kaq të tmerrshme nëse e mendon.

Ndërsa lexojmë Biblën, mësojmë më shumë se kush është Perëndia dhe çfarë kërkon Ai në marrëdhënien me Të. Kur kemi një marrëdhënie të vërtetë me Perëndinë, nëpërmjet Jezu Krishtit, nëse e duam Perëndinë, është më e lëhtë për ne të kemi jetë të përjetshme me Të.

Gjoni 3:16-21 thotë: “Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme.¹⁷ Sepse Perëndia nuk e dërgoi Birin e vet në botë që ta dënojë botën, por që bota të shpëtohet prej tij.¹⁸ Ai që beson në të nuk dënohet, por ai që nuk beson tashmë është dënuar, sepse nuk ka besuar në emrin e Birit të vetëmlindur të Perëndisë.¹⁹ Tani gjykimi është ky: Drita erdhi në botë dhe njerëzit deshën errësirën më tepër se dritën, sepse veprat e tyre ishin të mbrapshta.²⁰ Sepse kushdo që bën gjëra të mbrapshta e urren dritën dhe nuk vjen te drita, që të mos zbulohen veprat e tij.”

Gjoni 17:3: “Dhe kjo është jeta e përjetshme, të të njohin ty, të vetmin Perëndi të vërtetë, dhe Jezu Krishtin që ti ke dërguar.”

1 Timoteut 1:15-17: “Kjo fjalë është e sigurt e denjë për t’u pranuar plotësisht, që Krishti Jezus erdhi në botë për të shpëtuar mëkatarët, ndër të cilët unë jam i pari.¹⁶ Por prandaj u mëshirova, që Jezu Krishti të tregojë më përpara në mua gjithë zemërgjerësinë, për të qenë shembull për ata që do të besojnë në të për jetë të përjetshme.¹⁷ Dhe Mbretit të amshuar, të pavdekshmit, të padukshmit, të vetmit Perëndi të ditur, i qoftë nder e lavdi në shekuj të shekujve. Amen.”

Kur Bibla flet për jetën e përjetshme, ajo i referohet një dhuratë të Perëndisë që vjen vetëm “nëpërmjet Jezu Krishtit, Zotit tonë” (Romakëve 6:23). Kjo dhuratë është në kontrast me “vdekjen” që është rezultat i natyrshëm i mëkatit.

Dhurata e jetës së përjetshme u vjen atyre që besojnë në Jezu Krishtin, i cili është Vetë “ringjallja dhe jeta” (Gjoni 11:25). Fakti që kjo jetë është “e përjetshme” tregon se ajo është jetë e përhershme, ajo vazhdon e vazhdon, pa fund.